Blog se Paise Kaise Kamaye

Blog se Paise Kaise Kamaye

Blog se Paise Kaise Kamaye? ब्लॉग से पैसे कैसे कमाए?

Agar aap apne blog se paisa kamana chahate hain to yeh Hindi article aap ke liye hai, aap is blog article ko padh kar apne blog par income kar sakte hain.

Blog se Paise Kaise Kamaye

Agar aap internet par naye ho aur abhi tak blog ke bare me nahi suna hai to aap niche diye gaye article ko padh kar blog ke bare me jaan sakte hain.

Read: Blog Kya Hai

Agar aap ne abhi tak apna blog create ya start nahi kiya hai aur aap apna blog shuru karne ke bare me soch rahe hain to niche diye gaye aricle ko padh kar apna blog start kar sakte hain.

Read: Blog Kaise Banaye

Blog se Paise Kaise Kamaye? ब्लॉग से पैसे कैसे कमाए?

Blog se paise kamane ke liye kai sare tarike available hain. Main aapko kuch aise tarike batauga jisse aap apne blog se paise kama sakte hain.

Google Adsense se Paise Kaise Kamaye

Adsense Google ki bahut hi popular service hain. Adsense internet par blog se paisa kamane ka sabse easy aur badhiya tarika hai. Adsense par aap free me register kar sakte hain.

Hindi Blogger ka sabse man pasand advertising platform Google Adsense hai. Aapke blog par agar Adsense ads chal raha hai aur kisi ne bhi us par click kiya to aapko har click par paisa milta hai. Kisi bhi site visitors ko kuch bhi kharidane ki jarurat nahi hoti hai aur aapko har click par paisa milta hai, is karan se blogger Google Adsense ko bahut jyada pasand karte hain, khas karke Hindi bloggers.

Google Adsense aapke articles ko scroll karke aapke blog related advertisement hi dikhata hain, jiske karan se ad click hone ke chances badh jate hain.

Google Adsense se paise kamane ke steps:

  1. Google Adsense par register karna hai
  2. Ads code ko apne blog par lagana hai
  3. Koi vyakti link ko click karta hai
  4. Aap ko har click ka paisa milta hai

Affiliate Marketing se Paise Kaise Kamaye

Affiliate Marketing dusra achcha tarika hai blog se paise banane ka. Affiliate Marketing me aapko kisi bhi online affiliate network ko join karna hota hai aur unka ads (text ads, banner ads, etc) apne blog par lagana hota hai. Jab bhi koi vyakti aapke reference dwara kuch kharid leta hai tab aapko commission milta hai.

Is type ke program se paise kamane ke liye kuch bikna (sell karna) jaruri hota hai.

Affiliate Marketing se paisa kamane ke steps:

  1. Aapko affiliate program join karna hota hai
  2. Advertiser aapko ek unique link (text ads, banner ads, etc.) deta hai
  3. Aapko us link ko apne blog par lagana hai
  4. Koi vyakti link ko click karke, advertiser ke site se kuch kharid leta hai
  5. Aapko us sales par commission milta hai

Internet par kai sare affiliate marketing networks hain jisse aap asaani se join kar sakte hain.

Best affiliate networks program in india:

  1. Shareasales
  2. Amazon Associates
  3. Commission Junction
  4. Click Bank
  5. FlipKart
  6. Snapdeal

Affiliate marketing ke bare me adhik jankari ke liye niche diye article ko padhe

Read: Affiliate Marketing Kya Hai

Sponsored posts ya reviews ek bahut hi badiya tarika hai apne blog se paise kamane ka. Sponsored posts me advertiser aapko apne blog par unke bare me review ya post likhne ka paisa dete hain.

Aapka income is baat par depend karta hai ki aapka blog kitna popular hai. Bade blogger apne blog par paid review likhne ka $1000 ya usse adhik bhi charge karte hain. Aapka blog income is baat par depend karta hai ki aapka blog kitna popular hai.

Is method me aapko sponsor apne aap hi contact kar lete hai aur is sponsored post ko likhne ke liye jaruri hai aapka contact information aapke site par available ho taki advertisers aapko sponsor post likhne ke liye contact kar paye. Agar aapne abhi tak apna contact page ya contact information apne blog par provide nahi kiya hai to jald se jald apna contact page bana le.

Aap sponsor post likhne ke liye online companies ko approach bhi kar sakte hain par aapko bahut sare rejection ke liye tayar rehna hoga.

Sponsored Posts ya Reviews se paise kamane ke steps:

  1. Aap apne blog par ek contact page ya contact information dalte hain.
  2. Advertisers aapko contact karte hain
  3. Aap advertiser se deal final karte hai. Aap thora bahut negotiate bhi kar sakte hai.
  4. Aapko aapka payment advance me mil jaata hai.
  5. Aap us company ka post ya review likhte hain.

Apne product ko bech ke paise kaise kamaye

Apne blog par apne product ko bech kar paise kama sakte hain. Aap apne blog par eBook, online courses, etc bech sakte hain. Kai sari online company hai jo aapke product ko bechne me aapki madad kar sakti hai. Aapko product unke site me upload kar dena hai aur unka diye huye link ko apne blog par laga dena hai. Aapko har mahine ek fee deni hoti hai aur payment se lekar product delivery tak ki zimmedari us comapany ki hi hoti hai.

Agar aap naye blogger hai, aapko nahi maloom hai ki aap apne product se kitna paisa kama sakte hain aur aap har mahine kharcha nahi karna chahate hain to apne product ko bechne ke liye aapko usi prakar ke online selling company ko khojna hoga aur apne product ko upload karke uska link apne blog par dalna hoga. Agar kisi bhi vykati ko aapka create kiya hua product lena hoto aapke diye gaye link ko click karke us product ko kharid sakta hai. Is prakar ke arrangement me aapko har mahine paise kharch nahi karne padte hain aur har ek sell par commission dena hota hai.

Example ke tor par:
Agar aap blog article likh sakte hain to eBook bhi bana sakte hain. Aapke blog followers’ agar aapke likhe huye article ko pasand karte hain to aapke banaye huye eBook ko bhi bahut pasand karenge. Aap apne banaye huye eBook ko online eBook selling company jesse ki Amazon Kindle par upload karke uska link apne blog par de sakte hain. Har sell par Amazon apna commssion charge kar leta hai aur is prakar aap fixed monthly charges se bach jaate hain.

Apna service de kar paise kaise kamaye

Agar aap kisi bhi subject par achchi jankari rakhte hain to aap apne service de kar paise kama sakte hain. Agar log aapke articles pasand karte hain aur aapke blog ko follow karte hain to aap unko aapni service offer kar sakte hai aur paise kama sakte hain.

Example ke tor par:
Agar aap blog banana jaante hain to aap apne readers’ ki help kar ke unka blog bana sakte hain. Is service ke liye aap unse paise charge kar sakte hain.

Aap apne blog par ek service related page bana ke apne charges bata sakte hain. Aapke blog visitors agar aapke service me interested hain to vah aapko contact kar lenge. Aapki kamai aapke skills aur service ki quality par depend karti hai.

Blog se Paise Kaise Kamaye?

Blog se paise kamane ke liye kai sare tarike maine aapko is article me bataya hai, magar har blog par ek jaisa paisa kamane ka tarika kam nahi karta hain.

Example ke tor par: Agar aap ka blog jokes ya romanchak stories publish karta hain to aapke blog par log entertain hone ke liye aate hain, is karan, agar aap affiliate product bechne ki koshish (try) karoge to aapke blog par income hona bahut muskil hain. Is type ke blog par Google Adsense se paise kama sakte hain jahan aapko har click par paise milte hain.

Blog start karne ke baad aur bhi bahut sare option available ho jaate hain, jesse ki “Public Speaking”, koi bhi aapko aapke subject par public presentation ke liye bula sakta hai. Aap online community start kar sakte hain aur membership ke liye charge kar sakte hain. Aap apne blog subject ke anusar online job services start kar sakte hain aur companies’ se har job posting ke liye charge kar sakte hain. Blog se paise kamane ke liye aisi bahut sari opportunity available hoti hai.

Mujhe umeed hai aap apne blog par best option chunege aur achhe paise kamayenge. Asha karta hu ki aapko “Blog se Paise Kaise Kamaye” article pasand aaya hoga aur aap isai share karna nahi bhule. 🙂

 
Comments are closed.
<
Close