Blog Kaise Banaye? New Website Kaise Banaye? In Hindi

Blog Kaise Banaye? New Website Kaise Banaye? In Hindi

Blog Kaise Banaye? New Website Kaise Banaye? Agar aap online blog site banana chaahate hain to yeh blog article aap ke liye hai. Aap es article ko padh kar blog start karne ke bare me puri jankari lesakte hain. Es Hindi guide me aap step by step blog banaana sikhenge.

Blog Kaise Banaye

Blog Kaise Banaye? New Website Kaise Banaye?

Technology advancement hone se aaj kal blog banana bahut hi aasaan ho gaya hai. Aap ko blog start karne ke liye koi bhi technical knowledge (Jesse ki HTML ya CSS code) ki jarurat nahi hoti hai.  Agar main bina kisi bhi technical knowledge ke blog ki shuruaat  kar sakta hu, to aap bhi badi aasani se blog site bana sakte hain.

Start karne se pehle kuch basic jankari ko samajhana jaruri hai.

Blog Kya Hai?

Blog internet par ek personal diary ki tarah hota hai, jispar koi bhi vyakti (person) ya company kisi bhi vishay (topic) ke bare mein likh sakte hai.

Blog ek parkar ka manch (platform) hai jis par aap kisi bhi vishay (subject) par apne lekh (article, post) ko online prakaashit (publish) kar sakte hain.

Blog ek website ki tarah hi hota hai jis par kisi bhi samaachar (news) ya jankari ko update karke logo tak pahuchai jati hai.

Read: Blog Kya Hai

Agar aap ko kisi bhi subject par ruchi (interest) ya achhi jankari rakhte hai to aap apna blog start karke apne knowledge ya passion ko doosro ke sath share kar sakte hain.

Blogging Kya Hai?

Blog ko lekhane ke kaary ya kriya (act of writing) ko blogging kahate hain.
Koi bhi yogyata (ablity) ya kaushalta (skill) jo ek blog ko chalane ke liye chaahie usai blogging kahate hain.

Blogger Kaun hota Hai?

Koi vyakti (someone) jo blogging karta ho usai blogger kahate hain.
Blogger us vyakti ko bol sakte hain jo blog ke liye article likhta ho.

Blog ki shuruat kyu kare? Blogging ke fayde

Aage badhane se pehle jaan lete hain ki blog kyon jaruri hai aur blog kyu start kare?

Blogging shuruat me ek vyakti ke vichhar (thoughts), feeling aur experience ko share karne ke liye unique platform ke tor par upayog kiya gaya tha. Blogging jald hi jankari aur khabar phailane (spread) ke tariko me se ek ban gaya hai.

Aaj lakho blog online hai aur sankhya (numbers) nimit (regular) roop se badh rahi hai. Blog padhne walo ke badne ke karan blog ki maang bhi badh rahi hai.

Blog kyu start kare:

  1. Blog start ya create karna aasaan hai.
  2. Doorso ke sath jankari share karne ka aasaan tarika hai.
  3. Blog padne walo ko information milti hai, jeese padh kar unake samasyoo (problems) ka samadhan (solution) nikal sakta hai.
  4. Aap blogging se har mahine (month) hajaaro rupaye kama sakte hain. Aap bloggging ko part time profession ke tor par bhi kar sakte hain, yeh totally depend karta hai ki aap apna kitna involvement dena chahate hain.

Online business me blog kyu jaruri hai:

  1. Blog se aap ke site par visitors ki sankhiya (numbers) badh jaati hai
  2. Aap ka site search engine par achhe rank par aajaata hai
  3. Aap apne product ya service ki brand image bana pate hain
  4. Aap apne customers se behatar (better) relationship bana pate hain

Blog kaise banaye?  ब्लॉग कैसे बनाएं?

Blog Kaise Banaye” yeh pehla savaal hai jo hum sochte hain jab hum apna blog suru karna chhate hain. Chaaliye hum ab blog banana start karte hai, Blog banane ke do tarike hain.

  1. Free Blog
  2. Self-Hosted Blog

Free Blog Kaise Banaye

Free blog start karna bahut hi aasaan hai, free blog me sab kuch taiyaar (ready) hota hai, aapko free blogging platform par register karna hai aur aapka blog turant hi tayar ho jata hai. Bina koi fee ya charge ke aap apna blog shuru kar lete hain.

Example ke tor par: Yeh ek free email service ki tarah hota hai jaha aap free email service provider ko join karte hain aur aap free me email receive ya send kar sakte hain.

Free blogging ki kewal yehi khaas baat hai ki woh free hota hai. Jo vyakti (person) blogging se paisa kamana nahi chhata hai aur kewal entertainment ke liye blogging karta hai, uske liye free blog badiya option hai.

14 Free Blog Sites

Main aapko 14 free blog sites batauga jis par aap apna free blog start kar sakte hain.

  1. Blogger.com

Blogger Google ki free blogging platform hai, jis par aap without charge register karke apna free blog bana sakte hain.
Aap official Blogger support par tips aur tutorial padh kar apna free blog start kar sakte hain. Click Kare
Aap official Blogger forum par apne savaalo (questions) ke javaab (answers) pa sakte hain. Click Kare

  1. Blog.com

Blog.com par free blog kaise banaye? Adhik jankari ke liye visit kare
Blog.com ke official support centre ke liye visit kare

  1. WordPress.com

WordPress.com par free blog kaise banaye? Adhik jankari ke liye visit kare
WordPress.com ke official help centre ke liye visit kare
WordPress.com ke official forum ke liye visit kare

  1. Trumblr.com

Trumblr.com ke official support centre ke liye visit kare

  1. SquareSpace.com

SquareSpace.com par free blog kaise banaye? Adhik jankari ke liye official video dekhe: visit kare
SquareSpace ke official support centre ke liye visit kare

  1. Hubpages.com

Hubpages.com par free blog kaise banaye? Adhik jankari ke liye visit kare
Hubpages ke official help centre ke liye visit kare
Hubpages ke official forum ke liye visit kare

  1. LiveJournal.com

LiveJournal.com par free blog kaise banaye? LiveJournal ke official support centre ke liye visit kare

  1. Joomla.com

Joomla.com ke tutorial dekhane ke liye visit kare
Joomla.com par free blog kaise banaye? Adhik jankari ke liye visit kare

  1. Typepad.com

Typepad.com par free blog kaise banaye? Adhik jankari ke liye visit kare

  1. Weebly.com

Weebly.com ke YouTube tutorial dekhane ke liye visit kare

  1. Wix.com

Wix.com par free blog kaise banaye? Wix ke official support centre ke liye visit kare

  1. LinkedIn.com

LinkedIn.com par free blog kaise banaye? Official support centre ke liye visit kare

  1. Facebook.com/notes

Facebook.com/notes par free blog kaise banaye? Official help centre ke liye visit kare

  1. Plus.Google.com/Pages

Plus.Google.com/Pages free blog kaise banaye? Official support centre ke liye visit kare

Agar aap free blog banana chaahate hain to upar diye gaye 14 free blogging platform me se chun sakte hain. Upar diye gaye free blogging platform me se Blogger, Tumblr, Wix.com aur WordPress.com bahut popular free blogging platform hai, adhik jankari aur compare karne ke liye visit kare

Free Blog Start Karne ka Nuksaan (Disadvantage)

Free blog banaane se pehle yeh janana jaruri hai ki free blogging platform me kya kamiya hoti hai. Free hamesa free nahi hota hai.

Free Blog banaane ke nuksaan:

  1. Aap ke blog site ka naam aapke free blogging platform ke saath jud jaata hai. Jesse ki http://behindyourmindnet.blogspot.in. Aap khali apna naam nahi rakh pate aur free blogging platform se jud jaate hain, jeese ki blogger.com par blogspot ka naam behindyourmindnet se jud gaya.
  1. Free blog par aap har tarah ka income option use nahi kar sakte hain. Jeese WordPress.com par Google Adsense nahi use kar sakte hain.
  1. Blog designs (themes) bahut hi simit (limited) hoti hain. Aapko apna blog design karne ke liye readymade themes milte hai, jo ki free blogging platform par bahut hi kam sankhiya me hote hai aur aapko limited choice milti hai.
  1. Aap free blog ke maalik (owner) nahi hote hain.
  1. Free blogging platform services kabhi bhi band ho sakta hai aur aapka blog bhi.
  1. Free blogging platform aapka blog khabhi bhi band (terminate) kar sakta hai.
  1. Free blogging platform par service provider apna advertisement dikha sakte hain, banners, pop-up ads ya text ads.
  1. File, video, images, etc. ke liye online storage space chahiye hota hai, jo free blogging platform par limited hota hai. Aapko extra space kharidna padta hai.
  1. Free blogging platform par blog visitors’ ke number par limit hota hai, yani ki agar aapke blog par ek limit se jyaada log visit karte hain to aapka site block ho jaata hai.
  1. Aap apne free blog ka backup nahi le pate hain.

Free blogging platform professional nahi lagta hai aur yeh dikhata hai ki aap blogging ke liye serious nahi ho. Jab aap free blog start karke paisa kamana chaahate hain to blog visitors aapko seriously nahi lete hain aur aapke bataye hue product ya service ko nahi kharidate  hain. Eska matab yeh hota hai ki free blog ke chakkar me aap paise kamane ki opportunity kho dete hain.

Company jo aapko free blogging platform provide karti hai woh aapke blog se paisa kamati hai. Yeh paisa chaahe to ads ke through aata ya fir aapko premium services beech ke. Company har upgrade ka paisa charge karti hain. Udhaaran  (example) ke tor par aap WordPress.com ka upgrade service charges check kar sakte hain. Click Kare

Self-Hosted Blog kaise Banaye

Agar aap blog se paise kamana chahate hain aur koi bhi restriction ke bare me chinta (worry) nahi karna chahate hain to aapko apna self-hosted blog start karna chahiye.

Self-Hosted Blog Kya Hai?

Jab koi blog puri tarah se aapke control me hota hai, usai self hosted blog kahate hain. Aapko apna blog banana aur maintain karna hota hai.

Self hosted blog banaane ke steps:

  1. Blog topic chunana hai
  2. Hosting Package kharidna hai
  3. Domain Name chunana hai
  4. Blogging software install karna hai
  5. Blog design karna hai
  1. Blog topic chunana hai

Pehla step me aap ko decide karna hota hai ki aapko kis blog topic par blogging karna hai. Aap apne interest ke adhar par apna blogging topic chun sakte hain, jeese ki fashion, technology, food, travelling, fiction, movies, review, etc.

  1. Hosting package kharidna hai

Web Hosting Kya Hai?

Aapke blog related data ko high power computer par store karna padta hai jise server kahte hain aur yeh server humesa interenet se connected hota hai.

Web Hosting provider aapke website related files jesi ki images, articles, video, etc ko web server par store karta hai, jo high speed network se connected hota hai.

Aapko aapne site related files online access karne ke liye, files ko server par store karna padta hai jo aapko hosting company provide karti hain. Aapko hosting package khartidna hota hai aur hosting company aapko aapke package ke anusaar online space provide karti hain.

Online website related file storage ke process ko web hosting kehte hain.

Kisi bhi web host (web hosting provider) chunane se pehle aapko kai sare baato ka dhyaan rakhana hota hai:

  1. After sale support kaisa hai.
  2. 99.9% Uptime hai ki nahi – yaani ki aapka website kitne percent online available hota hai. Server ko maintain karne ke liye ya koi fault aane par website kai bar online available nahi ho pata hai.
  3. Kitna files storage space milta hai.
  4. Bandwidth (visitors) limit kya hai.
  5. Money Back Guarantee kya hai.

Esi aur bhi baato ka dhyaan rakhana padta hai jab hum web hosting package kharidate hain. Agar aap achha host chunana chahate hai to BlueHost se achchi service nahi mil sakti hai. Aap befikar hoke BlueHost se web hosting package kharid sakte hain.

Agar aapko ek blog banana hai to BlueHost ka Standard package achcha hai aur agar aapko ek se jyaada blog banana hai to BlueHost ka Business ya Pro package achcha hai.

  1. Domain name chunana hai

Domain name Kya Hota Hai?

Aap ke site ya blog ke naam ko domain name kehte hain. Domain name aapke company ka internet address hota hai, domain name use karke log online aapka site ko khoj sakte hain.

Domain name aapke website related files ko locate karta hai jo aapke web hosting company ke server pe store hota hai.

Generally aapko hosting aur domain name ek hi provider se mil jata hai. Aap jab hosting package kharidate hain tab aapko domain name kharidne ka option bhi milta hai.

Hosting aur domain name ek hi jagah se lena dhik hota hai kyu ki agar aap domain name kahi aur se lete hain to aapko domain name par “name server” change karna padta hai taki wah aapke website related files khoj sake. Hosting provider apna “name server” bataate hain jo aapko domain name ke control panel me ja kar change karna padta hain.

Domain Name kharidate samay dhyaan rakhe:

  • Naam chota aur memorable hona chahiye.
  • Aap ke blog topic se related keywords hoto badiya hota hai, taki log jaan pae aapka blog kis bare me hain aur search engine ranking me bhi madat milti hai.
  • Numbers aur hyphens ko avoid karna chahiye, domain name type karte samye mistake ke chances badh sakte hain.
  1. Blogging software install karna hai

Domain name aur hosting package lene ke baad aapko hosting ke control panel me jana hai aur free blogging software install karna hai.

Kai sare free blogging platform hai jo aap use kar sakte hain par sabse achcha WordPress.org hota hai. Aap ek click me hi yeh software hosting control panel se download kar sakte hain aur aapka blogging platform ready ho jata hain. Behindyourmind.net bhi WordPress par bana hua hai.

  1. Blog design karna hai

Ek bar aapka free blogging platform install ho jaata hai tab aap WordPress.org ke dashboard (control panel) par jaake man chhaha themes (design) load kar sakte hain.

WordPress.org par hajaaro free designs (themes) available hai, aapko aapne blog topic ke anusaar, blog theme chun ke install kar sakte hain aur aapka blog ready ho jata hai.

Picture Guide: WordPress par theme kaise install kare

Step by Step Picture Guide par aap self hosted blog banana jaan sakte hain:
Read: WordPress Par Self Hosted Blog Kaise Banaye

Mujhe umeed hai aapko ye article padh kar yeh samajh mein aagya hoga ki Blog kaise banaye?  ब्लॉग कैसे बनाएं? aur aap es hindi blog article ko padh kar eska laabh jarur uthaege. Agar aapko koi savaal puchhana hoto aap mujhe Contact kar sakte hain ya niche comment de sakte hain aur main aapke savaalo ka jald se jald javaab dene ki kosis karuga. 🙂

 
Comments are closed.
<
Close